Logo veu Carla que nos explicou como era iniialmente o rito relixioso de sátiros ou tragoi con cornos de cabra e cola de cabalo que constituían un Coro que danzaba na Orquetra ( un círculo ao redor dun altar onde se sacrificaba un animal) na honra do deus da fertilidade, da máscara e como naceu o espazo para ver denominado teatro que son as gradas dispostas para o público. Esta explicación fíxoa botando man da maqueta e os paneis que ten o departamento realizado polos propio alumnado.
A seguir despois soubemos como o teatro na Atenas dos séculos VI e V antes de Cristo foi integrado como unha actividade de gran interese para os gobernantes da cidade de Atenas e foi tomando un carácter político de gran transcendencia para a polis. Jonathan, botando man dun círculo que simulaba a orquetras e unha mesa que era a escena onde ía situando aos actores, falounos de como Pisístrato encargou a Tespis unha remodelación fundamental das celebracións das Grandes Dionisias que deron lugar a esa evolución da Traxedia grega na que o Coro vai comezar por dialogar cun actor " protagonista", logo con Esquilo con dous e finalmente xa un século despois on Sófocles que incorpora un terceiro actor van ir diminuíndo as intervencións do Coro e dano lugar ao que poderíamos denominar unha representación teatral moi semellante as actuais.
A continuación Ainara falounos dos autores tráxicos máis coñecidos da escena da Atenas democrática do século V. Esquilo cos seus personaxes dependentes dos deuses como é o caso do Prometeo encadeado, logo Sófocles e Eurípides, as diferenzas de estilo con Esquilo, da humanización das tramas e os seus títulos máis importantes. Edipo Rei, Antígona, ou a preocupación polas relacións humanas e fenómenos cruentos como a guerra que o último autor exemplifica coas mulleres cautivas escravizadas na traxedia "As Troianas".
Finalmente Thomlynn encargouse de falar da Comedia e das súas variantes. Da Comedia antiga representada por Aristófanes de carácter e tramas máis políticas, antibelicistas como a famosa Lisístrata, cargadas de crítica social, ata a Comedia Nova que protagoniza o autor Menandro con obras onde os amores e problemas máis banais son os que se representaban en escena.
Concluímos facendo unha chamada de atención sobre a importancia do teatro na sociedade e anunciando que estamos a preparar unha representación no colexio que axiña estará disposta para a súa posta en escena antes de rematar o presente curso, iso si xa no salón de actos do noso colexio.
Ningún comentario:
Publicar un comentario